Høgdepunkt i Digitaliseringsrådet

Vi lanserte erfaringsrapporten for 2024: Finne sin veg mot nye tider. Rådsleiar Joakim Lystad presenterte rapporten. Vi hadde invitert Knut Sletta, direktør i Jernbanedirektoratet og Margot Telnes, direktør i Statsforvaltarens fellestenester til å snakke om digital transformasjon i sine verksemder. Christine Hamnen, departementsråd i Digitaliserings- og forvaltningsdepartementet avslutta med sine refleksjonar. Opptak frå seminaret finn du på nettstaden vår.

Rådet spelte inn tre podkastar om sentrale tema.

Toppleiarar må interessere seg meir for digitalisering: I denne reflekterer rådsleiar Joakim Lystad om sitt første år som leiar av rådet.

Digitale økosystem gjeld oss alle - også leiarar: Denne podkasten er ein samtale mellom forskaren Bendik Bygstad og rådsmedlem Kjetil Århus om digitale økosystem.

Mange verksemder sit på gjerdet - korleis komme i gang med KI: Denne podkasten er ein samtale mellom Ellen Strålberg frå Tekonologirådet og rådsmedlem Kristine Aasen.

Alle podkastar var fasilitert av Are Kvistad, Digitaliseringsdirektoratet

Vi fekk besøk av Norsk Helsenett. Dei ville diskutere arbeidet med Digitalt helsekort for gravide.

Finanstilsynet kom også til rådet denne dagen. Dei var opptatt å få anbefalinger til korleis dei kan utvikle innovasjonsarbeidet vidare. Dei er spesielt oppteken av korleis dei kan ta i bruk generativ KI i saksbehandlinga.

I desembermøtet vårt hadde vi besøk av Kommunal- og Distriktsdepartementet (KDD) og KS. Dei ville diskutere arbeidet med å utvikle ny løysing for digital tilskotsforvaltning. Målet er å samle så mange tilskotsordningar som mogeleg eit sted for at det skal bli enklare for brukar og forvaltarar.

Vi hadde og besøk av Tolletaten. Dei arbeider med å få på plass eit nytt tollbehandlingssystem som skal bidra til ei meir effektiv og heilhetlig tollbehandlingsprosess. Dei ville diskutere korleis dei best mogeleg kan samarbeide med sektormyndigheiter.

Arild Haraldsen, kommentator og sjøvstendig næringsdrivande i Stratit, utfordra oss i Computerworld til å sette igang ein breiare debatt om korleis digitalisering endrar toppleiarrolla. Rådsleiar Joakim Lystad tok utfordringa og peika på korleis leiarar må setje retning, stille spørsmål utan å tru at dei sjølve skal ha alle svar. Artikkelen er publisert i Computerworld.

Toppleiar i Brønnøysundregistra fulgde opp med eigne refleksjonar i artikkelen Fra analog statsråd til digital toppleiar.

I det første møtet i 2025 hadde vi besøk av DigiViken. Dei hadde også invitert med seg Digdir og KS Digital. Tiltaket dei ville diskutere med rådet var arbeidet deira med felles samtykkeregister.

Vi hadde og besøk av Domstolsadministrasjon. Dei ville diskutere arbeidet med Digitale domstolar III. Dei hadde blant anna spørsmål om dialogen med departementet, andre statlege aktørar dei bør samtale med, andre initiativ dei kan lære av.

Vi fekk besøk av NAV. Dei ønskte å diskutera tiltaket deira for å modernisere og forbetre inntektsmeldinga. Det skal bidra til at det bli enklare å raskare for arbeidsgjevarar og gje meir treffsikker saksbehandling i NAV og raskare utbetaling til arbeidstakarar.

Vi testet ut vårt nye møtekonsept: Temasamtale. Målet med desse samtalene er å identifisere felles problem og anbefalinger på eit avgrensa tema.

I denne første samtalen diskuterte var korleis verksemdene kan ta i bruk KI. Vi hadde invitert Lånekassen med toppleiar Kjetil Moen og Gustav Aagesen, Finanstilsynet med toppleiar Per Mathis Kongsrud og Jon Reidar Testad, leva Marthinkenaite frå Telenor. Rådsleiar Joakim Lystad leia dialogen.

I etterkant av møtet publiserte vi artikkelen: Korleis kan du som toppleiar utnytte KI? i Computerworld.

Vi fekk besøk av Digitaliseringsdirektoratet. Dei ville diskutere modernisering av Altinn, frå program til forvaltning. Ei problemstilling var korleis dei kan sørge for at innovasjon og utvikling ikkje stoppar opp som resultat av tradisjonell styringslinjer.

Vi fekk og besøk av Kartverket. Dei ville diskutere korleis dei kan videreutvikle fellesløsningene i den geografiske infrastrukturen.

Det har vore debatt om gevinstrealisering i offentlig sektor. Debatten starta med DFØ-notatet "Utfordringsbildet i forvaltningen", som vart fulgt opp med ein artikkel i Stat & Styring. Artikkelen hevda at ni av ti offentlege verksemder ikkje har gevinstar av digitaliseringa. Det viser seg at talmaterialet er tolka feil.

Rådsmedlem Magne Jørgensen har i ein eigen artikkel nyansert biletet. 21 prosent av verksemdene klarer i "svært stor grad" eller "stor grad" å lukkas med planlagde gevinstar, medan det kun er 8 prosent som i "liten grad" realiserer planlagde gevinstar. Jørgensen peikar på likevel på at mykje kan bli betre.

Vi har eit eige kapittel om gevinstrealisering i denne rapporten: Vi får dei gevinstane vi styrer etter.

Vi hadde besøk av Utlendingsdirektoratet med det store programmet deira ModUlf. Dei hadde behov for råd om korleis dei skal rigge ein god styringsstruktur, korleis dei kan følge opp ein smidig gjennomføringsmodell og korleis dein kan følge opp og balansere risiko og gevinst med hel- og delautomatisering av gevinstar.

Vi hadde og besøk av Hovudredningssentralen med deira prosjekt - Samvirke først. Dei var og opptatt av korleis dei kan få til smidig utvikling på tvers av sektorar, og korleis dei kan håndtere at nokon tar ansvar for heilskapen. Hovudredningssentralen har eit aktivt samarbeid med Barentswatch i utvikling av løysinga.

Digitaliseringsdirektoratet arrangerte sin årlege digitaliseringskonferanse. Rådsleiar Joakim Lystad deltok i debatt på toppleiarfrukost og holdt innlegg om samordning og samarbeid.

Joakim Lystad har vore foredragshaldar på ei rekke seminar og konferansar i løpet av året. Der har han delt av rådet sine erfaringar.

Rådsmedlem Ann Merethe Lysø Sommerseth deltok i ei hurtigarbeidande ekspertgruppe om "KI-assistentar i arbeidslivet - en praktisk guide". Guiden vart lansert i juni.

Vi hadde besøk av Norsk Filminstitutt. Dei løfta inn digitaliseringsplanen sin til rådet. Dei har store KI ambisjonar i verksemda si og ønskte blant anna råd om korleis dei kan lage ein god strategi for å implementere KI i arbeidsprosessane sine.

Rådet hadde satt av tid til kunnskapsinnhenting om styring og leiing av tverrgåande digitaliseringstiltak. Vi hadde invitert Skatteetaten til fortelje om programmet Framtidas innkrevjing.

Vi fekk besøk av Nasjonal kommunikasjonsmyndigheit (Nkom) om deira program for digital transformasjon og organisasjonsutvekling. Dei var oppteken av å få råd om korleis dei kan fremma ein digital kultur og styrke digitalt leiarskap i organisasjonen. Dei ønskte også råd om tiltak som toppleiaren kan iverksette.

Vi hadde og besøk av Leverandørutviklingsprogrammet (LUP). LUP er pådrivar for, og hjelper verksemder med innovative anskaffingar, men opplever at dei på digitaliseringsområdet kjem for seint inn i prosessen. Dei ønskte blant anna råd om korleis dei kan auke forståinga for anskaffingar som verkemiddel i digitalisering av offentleg sektor.

Rådsleiar Joakim Lystad og sekretariatet var invitert til leiarmøte i Digitaliserings- og forvaltningsdepartementet for å utveksle erfaringer. Noko av det Joakim trakk fram var:

• Digital transformasjon og digital mognad krev meir god leiing og forpliktande samarbeid på tvers
• Endra geopolitisk situasjon opptar toppleiarar
• KI og ny teknologi gir utfordringar og skapar forventningar
• Departementa har ei viktig rolle for om verksemda lykkes. Departrmenta kan gje meir hjelp og støtte.

Rådet ønsker dialog med departementa for å utveksle erfaringar. Rådsleiar Joakim Lystad har blant anna også vært på etatsleiarsamling i Justis- og beredskapsdepartementet.

Vi hadde besøk av KS Digital og KS. Dei løfta arbeidet med felles kommunal tjenesteplattform. Prosjektet har til hensikt å bidra til billigere, enklare og raskare utvikling av digitale tenester. Dei ville ha råd om korleis dei kan sikre at tenesteplattformen får reell oppslutning og utbreiing og korleis dei kan få leverandørmarknaden til å støtte opp og ta i bruk tenesteplattformen.

Vi hadde og besøk av Direktoratet for medisinske produkter. Dei løfta inn arbeidet med ny legemiddeldatabase. Dei ønskte råd om strategisk retning ved utvikling av nye løysinger og korleis dei kan sikre viktig utviklingskapasitet.

Vi fekk besøk av Artsdatabanken. Artsdatabanken skal vera ein nasjonal kunnskapsbank om naturmangfold. Den viktigste oppgåva er å tilby samfunnet oppdatert og lett tigjengelig kunnskap om naturtypar, artar og populasjonar. Dei skal nå utarbeide ny verksemdsstrategi. Dei ønskte råd om korleis dei kan gå fram for å identifisere vegval og risiko slik at det skal bli lettare å prioritere.

Vi hadde og invitert til ny temasamtale. Tema for samtalen var den nye geopolitiske situasjonen. Vi hadde invitert Roar Olsen, leiar for Statens graderte plattformtenester (SGP), Øyvind Husby, TEK-Norge, Tomas Berg, leiar for Statens Pensjonskasse (SPK). Vi arbeider med å oppsummere dialogen og dei dilemma som blei diskutert.