Kva er medfinansiering?

Gjennom medfinansiering kan statlege verksemder og eventuelle samarbeidspartar få dekka deler av prosjektkostnaden til samfunnsøkonomisk lønsame digitaliseringstiltak. Både små og mellomstore tiltak i sektorane og tiltak på tvers av sektorar som støttar opp under regjeringa sin digitaliseringsstrategi, kan få medfinansiering.

Innhald

    Kva type tiltak kan få midlar frå medfinansieringsordninga?

    Midlane til medfinansiering blir lyst ut i oktober, når forslag til statsbudsjett er lagt fram.

    Potten til medfinansiering vil gå til to kategoriar tiltak:

    1. Små og mellomstore prosjekt som er samfunnsøkonomisk lønsame. Total prosjektkostnad må vere mellom 5 og 50 mill. kr.
    2. Tiltak som støttar opp under målet om samanhengande tenester i regjeringa sin digitaliseringsstrategi, som er samfunnsøkonomisk lønsame og har total prosjektkostnad inntil 100 mill. kr., dvs.:
      • strategisk prioriterte fellesløysingar (plattformar, infrastruktur m.m.)
      • tverrgåande tiltak (samanhengande tenester).

    Kven kan søke?

    • statlege verksemder som ligg under staten som rettssubjekt. Dette omfattar ordinære forvaltningsorgan, forvaltningsbedrifter og forvaltningsorgan med særskilte (budsjett)fullmakter.
    • kommunar/fylkeskommunar og statlege verksemder som er eigne rettssubjekt kan ikkje søke, men kan gjerne vere samarbeidspartar
    • frivillege organisasjonar og næringsliv kan vere samarbeidspartar

    Vilkår for medfinansiering

    • Medfinansieringen skal vere ein utløysande faktor, og prosjektet skal derfor ikkje vere komen i gjennomføringsfasen.
    • Prosjektet må vere samfunnsøkonomisk lønsamt og ha tilknytta gevinstar.
    • Små og mellomstore prosjekt må ha ein prosjektkostnad mellom 5 og 50 mill. kr (inkl. interne lønnskostnader).
    • Tverrgåande prosjekt og fellesløysingar kan ha ein prosjektkostnad opp til 100 mill. kr (inkl. interne lønnskostnader)
    • Medfinansiering kan gis i maksimalt tre budsjettår, men prosjektet kan gå over fire år.
    • Sjå retningslinene for ytterlegare vilkår (desse kan bli endra):

    Kor mykje midlar kan eit prosjekt få?

    • Prosjekt i kategori 1, små og mellomstore prosjekt, kan få medfinansiering inntil 50 % av totale prosjektkostnader (inkl. interne lønskostnader), maksimalt 15 mill. kr. Total prosjektkostnad må vere mellom 5 og 50 mill. kr.
    • Prosjekt i kategori 2, tverrgåande prosjekt/livshendingar og fellesløysingar kan få medfinansiering inntil 85 % av totale prosjektkostnader. Total prosjektkostnad må ikkje overstige 100 mill. kr.

    Tips og råd

    Bruk tid på søknaden. Start planlegginga så tidleg som mogleg. Hugs å involvere potensielle gevinsteigarar. Ta kontakt med KS dersom prosjektet vedkjem kommunesektoren.

    Kontakt

    Elin Oksavik

    Seniorrådgiver
    Digitaliseringsdirektoratet
    Telefon
    +47 902 24 846