Vi tilbyr ein uformell arena for felles dialog med leverandørane. Vi peikar på aktuelle saker og planar for vidare drift og vidareutvikling som gjeld våre fellesløysingar. Det vil bli ein spissa agenda klar minst ei veke før møte. Vi ønskjer særleg å fange opp felles behov og set av tid til innspel og drøfting. Møtet er eit tiltak for betre samhandling og felles innsats i digitaliseringsarbeidet.
Om møteserien
Vi arbeider med vidareutvikling av fellesløysingar og forvaltning av integrasjonar, og ønskjer tett dialog med dykk som utviklar og driftar slike løysingar. Målet er å styrkje samhandlinga mellom marknadsløysingar og offentlege fellesløysingar.
Møteserien er eit fast drop-in-tilbod som skal sikre god dialog med leverandørar, gi oppdatert informasjon om fellesløysingane og skape ein uformell arena for spørsmål og drøfting. Vi set av tid til open dialog der de kan stille spørsmål, dele erfaringar og ta opp aktuelle problemstillingar.
Praktisk informasjon
- Frekvens: Omlag ein gong per månad (tysdagar kl. 13:00–13:55)
- Neste møte: 14. april
- Agenda: Vert publisert 27. mars. De kan melde inn saker de ønskjer tekne opp
Målgruppe
Leverandørar og partnarar som utviklar, driftar eller vidareutviklar integrasjonar og API-ar. Møtet er ope for alle interesserte, men særleg relevant for tekniske og funksjonelle ressursar som påverkar retning for produkt og integrasjonsløp.
Formål
Møtet er ein uformell dialogarena med korte oppdateringar frå oss, kombinert med open dialog. Vi ønskjer å byggje ein kultur for samarbeid der det er mogleg og verdifullt.
Påmelding og innspel
Meld deg på møteserien ved å sende e-post til audinger.sviggum@digdir.no.
Har du saker du ønskjer å ta opp, kan du gjerne sende dei på førehand.