DigiHelgeland sommarcamp
Er du student og vil ha eit forsprang i karrieren di? Samtidig som du brukar sommaren på ein av landets råaste reisedestinasjonar? Då inviterer vi deg til å søkje på DigiHelgeland – sommarcamp.
Sommarjobb med spennande utfordringar
Vi treng deg som har eit godt blikk og som kan hjelpe oss til å løyse store og små digitaliseringsutfordringar. Difor søkjer vi etter studentar innen jus, design, informasjonsforvalting og IT (systemutviklarar) som er klare til å ta dei første karrierestega innan digitalisering av offentleg sektor.
På sommarcampen får du prøve deg på reelle problemstillingar som møter innbyggarar og næringsliv, og finne nye måtar å løyse desse på. Her jobbar du i tverrfaglege team med andre studentar, og med støtte frå våre eigne erfarne tilsette. Vi gir deg ein unik sjanse til å få relevant arbeidserfaring, bygge nettverk - og sist men ikkje minst - ein sommar du aldri kjem til å gløyme!
Kva er DigiHelgeland – sommarcamp?
Digitale Helgeland, Brønnøysundregistera og Digitaliseringsdirektoratet jobbar mot eit felles mål – å digitalisere og modernisere Noreg. I samarbeidet om denne sommarcampen ønskjer vi å vise kva Helgeland har å by på, både som ein fantastisk plass å bu på, og som ein stad der du kan bryne deg på nokon av dei største digitale utfordringane landet står ovafor.
Lytt til ein podkast-episode om sommarcampen
I podkasten høyrer du Johannes Skjeltorp-Borgaas prate om livet som student i Noregs kulaste sommarjobb, og casar som han er med å løysa med Digitaliseringsdirektoratet, Brønnøysundregistera og Digitale Helgeland.