Jobbar du med integrasjonar eller API-ar mot offentlege fellesløysingar? Dette møtet gir deg oppdatert informasjon, moglegheit til å stille spørsmål og ta opp problemstillingar – i ein uformell dialog med andre leverandørar og fagmiljø. Digdir ønskjer særleg å fange opp felles behov og set av tid til innspel og drøfting. Møtet er eit tiltak for betre samhandling og felles innsats i digitaliseringsarbeidet.
Om møteserien
Eit fast, månadleg drop-in-tilbod for leverandørar og partnarar som utviklar og driftar løysingar knytt til fellesløysingar. Her får du:
- korte statusoppdateringar frå aktuelle produktteam
- innsikt i planar og endringar
- høve til å dele erfaringar og spele inn behov
Praktisk informasjon
- Frekvens: om lag ein gong per månad (tysdagar kl. 13:00–13:55)
- Neste møte: 14. april
Agenda 14. april
- Aktuelle saker og status frå produktteam
- Prosjekt for meldingsutveksling med fastlegar (KS Digital og Digdir)
- Status på integrasjonspunktet versjon 4.0
- Ny aksesspunktleverandør DPI – løypemelding
- Innmelde saker frå leverandørane
- Eventuelt
Målgruppe
Leverandørar og partnarar som utviklar, driftar eller vidareutviklar integrasjonar og API-ar. Særleg relevant for tekniske og funksjonelle ressursar.
Påmelding og innspel
Meld deg på ved å sende e-post til audinger.sviggum@digdir.no.
Har du saker du ønskjer å ta opp, kan dei sendast inn på førehand.