Erfaringar frå vegkart-arbeidet
Nasjonalt vegkart byggjast av Digdir saman med offentlege verksemder for å sikre at dei mest verdiskapande tiltaka i digitaliseringsstrategien blir prioritert.
Kva tiltak skal vi gjennomføre med ein gong? Kva skal vi utsette, og kva skal vi eventuelt ikkje gjennomføre? Å svare på dette krev transparente og klare kriterium som sikrar at prioriteringane støttar opp om mål og bidreg til å løyse de mest kritiske utfordringane.
Vegkart-arbeidet har i 2025 vore et viktig verkemiddel for å styrke samordning og felles prioriteringar i digitaliseringa av offentleg sektor. Gjennom Skate har Digitaliseringsdirektoratet og sentrale statlege og kommunale aktørar fått en felles arena for å diskutere status, avhengigheiter og retning for større digitaliseringstiltak.
Vegkartet gjev oss mogleik til å prioritere dei viktigaste digitaliseringstiltaka på tvers av sektorar og nivå. Gjennom felles refleksjon blir vi betre rusta til å sikre at dei strategiske måla i digitaliseringsarbeidet blir omsett til konkrete tiltak som kan gjennomførast.
Ein sentral erfaring er at vegkartet bidreg til auka heilskapsforståing på tvers av sektorar. Ved å synleggjere samanhengar mellom initiativ, og å kople strategiske mål til konkrete utviklingsløp, har vegkart-arbeidet gitt betre grunnlag for prioritering og koordinering. Dette har vore særleg nyttig i arbeidet med felles løysningar og tverrgåande innsatsområde.
Vidare viser erfaringane at vegkartet fungerer best når det blir brukt som ein løypande prosess, og ikkje som eit statisk dokument. Dialogen i Skate har gjort det mogleg å justere retning, avklare roller og identifisere behov for styrka gjennomføringsevne. Samla sett har vegkart-arbeidet bidrege til meir samordna utvikling og betre forutsetningar for realisering av digitaliseringsmåla.
Når vi bygger nasjonalt vegkart saman med verksemder i offentleg sektor, får vi betre innsikt i avhengigheiter og felles utfordringar. Det styrkar både samordning og evna til å realisere prioriterte tiltak i digitaliseringsstrategien.