Status på tiltaka i handlingsplanen for auka digital inkludering

Kort oppsummert

Overordna status:

• 69 % er enten gjennomførte eller i rute. (49 av 71 tiltak)
• 11 % pågår, men er forsinka. Dette gjeld særleg for tiltak innan brukarvennlege digitale tenester og oppfølging av regelverket for universell utforming av ikt. Men også arbeid knytt til samarbeid med næringslivet om eID og synleggjering av behov tilbod for ikkje digitale brukarar, er forsinka. (8 av 71 tiltak)
• 4 % har ikkje starta. Dette gjeld rettleiing i bruk av digitale fullmaktsløysingar, forbrukarportal for samanlikning av pris på breiband og hindringar som står i vegen for at samiskspråklege skal ha eit fullverdig digitalt tilbod. (3 av 71 tiltak).
• 7 % manglar status. Tre av dei er på området digital dømmekraft og gjeld tiltak for auka kunnskap om personvern og informasjonssikkerhet. Vi manglar også status tiltaket som skal sikre at barn og unge har god tilgang på breiband og ikt-utstyr, og utforsking av korleis vi kan styrke den personlege hjelpa til brukarane. (5 av 71 tiltak)

Den digitale grunnmuren:

• 7 av 10 tiltak er i rute eller gjennomførte.
• Eitt har ikkje starta opp, eitt pågår men er forsinka.
• Eitt har vi ikkje status på.

Tilgjengeleg ikt-utstyr:

• Eitt av fire tiltak er gjennomført.
• Tre av tiltaka utgår.

Grunnleggande digitale ferdigheiter:

• 13 av 14 tiltak er gjennnomførte.
• Eitt av tiltaka har vi ikkje status på.

Brukarvennlege digitale tenester:

• 19 av 28 tiltaka er i rute eller gjennomførte.
• Seks pågår, men er forsinka, og to har ikkje starta opp.
• To har vi ikkje status på.

Digital dømmekraft:

• 3 av 6 tiltak er i rute.
• Tre av tiltaka har vi ikkje status på.

Tverrgåande tiltak:

• 6 av 9 tiltak er i rute eller gjennomførte.
• Tre av tiltaka utgår.

Merk at ein del av tiltaka er løpande verksemd, og vil aldri få status fullført, for eksempel tilsyn med universell utforming av ikt. Det er difor summen av planlagt igangsette, tiltak som er i rute eller gjennomførte som viser korleis vi ligg an med måloppnåing.

Vi arbeider fortløpande med å få oversikt over tiltaka vi per no ikkje har status på.