eIDAS-konferansen 2026 Program eIDAS 2026

Vi set ramma for konferansen og gir deg eit samla blikk på kvifor eIDAS 2.0 og digitale lommebøker er viktig no. Gjennom politiske og strategiske perspektiv frå departementet og Digdir introduserer vi hovudtemaa som vil prege resten av programmet.

Her får du eit innblikk i korleis EU tenkjer om eIDAS 2.0, og korleis europeiske initiativ påverkar arbeidet du sjølv står midt oppi. Du får høyre om politiske føringar, tekniske utviklingsløp og erfaringar frå store europeiske pilotar som gir deg eit klårere bilete av kva som kjem.

I denne delen får du lære korleis våre nordiske naboar jobbar med innføring av digitale lommebøker. Du får konkrete eksempel, regulatoriske grep og praktiske erfaringar som gir deg nye perspektiv på kva som fungerar – og kva du sjølv kan ta med vidare i eige arbeid.

Her får du høyre korleis næringslivet vurderar moglegheitene og utfordringane som føl av eIDAS 2.0. Du får innsikt i kva marknaden forventar, kvar det oppstår friksjon, og kva som må til for at digitale lommebøker skal skape nytte for både verksemder og brukarar.

Du får ein praktisk og konkret gjennomgang av kva som skjer i Noreg akkurat no. Her ser du korleis kommunar, offentleg og privat sektor allereie jobbar med lommebokløysingar, og kva dei har lært på vegen.

Denne siste delen gir deg eit framtidsretta blikk på lommebøker for verksemder. Du får innsikt i EU‑kommisjonen sitt arbeid, nordiske prosjekt og norske initiativ som viser kva moglegheiter dette opnar for datadeling, samhandling og nye digitale tenester.