Standardar for offentleg sektor H.323 (ITU-T Recommendation)

Er H.323 obligatorisk eller tilrådd?

Sjå tilhøyrande bruksområde for informasjon om når standarden skal brukast.

Kort om H.323

H.323 beskriv terminalar og andre einingar for multimedie-kommunikasjonstenester over pakkebaserte nettverk. H.323-einingar kan gi lyd-, video- og/eller datakommunikasjon i sanntid. Støtte for lyd er obligatorisk, medan data og video er valfritt. Utstyr som støttar H.323, kan kommunisere.

Kvifor bruke H.323?

H.323 er standard for videokonferansar. Det er ein standard som er moden, godt utprøvd og akseptert på marknaden. Utviklingsprosessen er open, transparent og ikkje-diskriminerande. Standarddokumenta er tilgjengelege.

Med eit krav om støtte for H.323 ved innkjøp av utstyr for videokonferansar, treng ein ikkje ta omsyn til type videoutstyr ved gjennomføring av videokonferansar.