Endring må drives fram

Det siste året har vi erfart at det globale trusselbiletet har endra seg og at det fører til nye dilemma. Større delar av budsjettet vil gå til forsvar. Samtidig har vi ei perspektivmelding som varslar om mangel på arbeidskraft.

- Ny teknologi, som generativ KI, gir både moglegheiter, men vil også utfordra oss, seier rådsleiar Joakim Lystad. Det er viktige endringar i samfunnet som krev at vi må endra måten vi digitaliserer på.

Vi får dei gevinstane vi styrer etter

Gevinstrealisering krev ofte omstilling, og omstilling er meir krevjande enn det tekniske. Gevinstarbeidet må få større merksemd når vi digitaliserer. Det er for seint å starta gevinstarbeidet når prosjektet er avslutta. Gevinstarbeidet må vera med frå start og følgjast tett opp av departement, toppleiar og i prosjekta undervegs. Digitaliseringsrådet meiner at det må blir meir merksemd på nyttestyring og realisering av gevinstar undervegs. Vi får dei gevinstane vi styrer etter. I rapporten kjem vi med gode råd om nyttestyring til toppleiarar.

Departementet må driva fram endring

Departementene har ei sentral rolle for å driva fram endringar når dei prioriterer, finansierer og set mål. Det er stor variasjon mellom departementa på kor aktive dei er overfor dei underliggjande verksemdene sine. Me erfarer framleis at departementa i for stor grad legg til grunn at verksemdene sjølv skal finna ut av digitaliseringa og kven dei skal samarbeida med for å sikra større nytte av finansieringa. Digitaliseringsrådet meiner at det er behov for tydelegare styringsstrukturar for å lykkast i tverrgåande digitaliseringsprosjekt, til dømes ved at éi verksemd får større avgjerdsstyresmakt innanfor eit avgrensa område, på kostnad av dei andre.

Verksemdsleiarar har ei nøkkelrolle

Digitaliseringsrådet erfarer at dialogen mellom departement og verksemder varierer. Digitaliseringsrådet tilrår alltid verksemdsleiarar til å vera svært aktive i dialogen og involvera departementet tidleg. Den digitale kompetansen i departementa varierer også mykje. Det gjer toppleiar rolla si endå viktigare. Toppleiar må i større grad spela departementet godt og hjelpa dei med å sjå heilskapen.

Kommunal sektor er ei viktig drivkraft for omstilling

Kommunal sektor er dei som i størst grad merkar endringane me står i no. Sektoren har dei siste åra i aukande grad organisert seg for å styrkja samordninga, blant anna gjennom KS og det nyetablerte selskapet KS Digital. Digitaliseringsrådet har det siste året behandla fleire saker frå kommunal sektor.

Les rapporten her: Digitaliseringsrådets erfaringsrapport

Dette er den tiande rapporten frå Digitaliseringsrådet. Digitaliseringsrådet er eit fagleg uavhengig organ som gir fagleg funderte og erfaringsbaserte råd til verksemdsleiar som arbeider med digitaliseringsprosjekt, eller endringsprosessar der digitalisering utgjer ein viktig del. Sekretariatet til rådet er bemanna av Digitaliseringsdirektoratet.«Det siste året har vi erfart at det globale trusselbildet har endret seg og at det fører til nye dilemmaer. Større deler av budsjettet vil gå til forsvar. Samtidig har vi en perspektivmelding som varsler om mangel på arbeidskraft. Ny teknologi, som generativ KI, gir både muligheter, men vil også utfordre oss», sier rådsleder Joakim Lystad. Det er viktige endringer i samfunnet som krever at vi må endre måten vi digitaliserer på.