Om Digitaliseringsprisen
Digitaliseringsdirektoratet inviterer deg til å føreslå kandidatar til Digitaliseringsprisen for 2024. Kjenner du til eit spennande prosjekt, ei flott digital teneste, ei innovativ løysing eller samanhengande teneste som verkeleg betyr noko i samfunnet?
Gjennom Digitaliseringsprisen ønskjer vi å løfte fram dei beste tenestene eller prosjekta som har utmerka seg og som viser veg.
Dette må tenesta eller prosjektet gjere
Kriteria som vert lagt til grunn er at tenesta eller prosjektet:
- Bidrar til å realisere regjeringas digitaliseringsstrategi
- Ei samarbeidsløysing der ei eller fleire offentlege verksemder er tenesteeigar(ar), og utviklinga må gjerne vere resultat av samspel mellom offentlege og private aktørar
- Kan vise til nyskaping, innovasjon, verdiskaping og berekraft
- Brukarorientert og bidrar til ein enklare digital kvardag
- Deler og bruker data på ein god måte
- God bruk av nasjonale fellesløysingar
- Kan vise til klare gevinstar og/eller eit høgt gevinstpotensial
Juryen 2024
Juryen velgjer ut tre finalekandidatar som vert presentert på konferansen. Sjølve kåringa vart gjort av deltakarane på Digitaliseringskonferansen ved ei digital avstemming.
Liv Dingsør
Ingvild Berlin Kalleberg
Øystein Eriksen Søreide
Øyvind Husby
Kristin Weidemann Wieland
Olav Skarsbø
Desse har vunne prisen tidlegare
- 2023: DigiUng-prosjektet
- 2022: TISK IKT-samarbeidet under pandemien
- 2021: Folkehelseinstituttet: MSIS labdatabase
- 2019: NAVs nye netteneste for foreldrepengar